राजेन्द्र लिङदेनको थप शपथ : भ्रष्टाचार गरेर खानु आमाको रगत खानु सरह
नेपाल प्रेस
२०७९ पुष ७ गते १७:०८
काठमाडौं । राष्ट्रिय प्रजातन्त्र पार्टीका अध्यक्ष एवं प्रतिनिधिसभा सदस्य राजेन्द्र लिङ्देनले भ्रष्टाचार गरेर खानु आमाको रगत खानु सरह भएको भन्दै थप शपथ लिएका छन् ।
बिहीबार प्रतिनिधिसभा सदस्य पदको शपथ ग्रहणसँगै उनले थप शपथ लिएका हुन् ।
शपथग्रहणपछि उनले फेसबुकमा लेखेका छन्, ‘अघिल्लो कार्यकालझैं आज पनि निर्धारित शपथका अतिरिक्त थप शपथसहित प्रतिनिधि सभा सदस्य पदको शपथग्रहण कार्यक्रममा सहभागी भइयो ।’
अघिल्लो कार्यकालमा आफू एक्लै भएपनि अहिले चौध जना भएको उल्लेख गर्दै भनेका छन्, ‘भ्रष्टाचार गरेर खानु आमाको रगत खानु सरह मानेर काम गर्नेछु ।’
मंसिर ४ गते भएको प्रतिनिधि सभाको निर्वाचनबाट निर्वाचित सांसदहरुलाई बिहीबार ज्येष्ठ सदस्य पशुपति शमशेर जबराले शपथ गराएका थिए ।
नेपाल प्रेस
प्रकाशित: २०७९ पुष ७ गते १७:०८
प्रतिक्रिया
सम्बन्धित खवर
