जुम्लाबाट चुनाव लड्ने ज्ञानेन्द्र शाहीको घोषणा (भिडिओ)
नेपाल प्रेस
२०७९ साउन २३ गते १७:३४
काठमाडौं । राष्ट्रिय प्रजातन्त्र पार्टीका प्रवक्ता ज्ञानेन्द्र शाही आगामी मंसिर ४ मा हुने प्रतिनिधिसभा निर्वाचनमा जुम्लाबाट लड्ने घोषणा गरेको छ ।
सोमबार काठमाडौंमा पत्रकार सम्मेलनमार्फत शाहीले जुम्लाबाट प्रतिनिधिसभा सदस्यमा उठ्ने घोषणा गरेका हुन् । उनले अहिलेसम्म जुम्लाले धेरै प्रतिनिधि काठमाडौं पठाए पनि कसैले जुम्लाको आवाज नसुनेको बताए ।
आफूलाई काठमाडौं, चितवन, नवलपरासी रुपन्देहीबाट चुनाव लड्न आग्रह गरेपनि पनि आफूले जन्मथलो जुम्ला रोजेको उनले बताए ।
आफ्नो उम्मेद्वारी जुम्लाको आर्थिक अवस्थालाई उकास्नका लागि भएको भन्दै उनले कांग्रेस माओवादी एमाले कसैको विरुद्ध नभएको जिकिर गरे ।
नेपाल प्रेस
प्रकाशित: २०७९ साउन २३ गते १७:३४
प्रतिक्रिया
सम्बन्धित खवर
