एमसीसी नेपालको हितमा भएकोले पारित गर्नुपर्छ : अध्यक्ष ठाकुर (भिडिओ)

काठमाडौं । लोकतान्त्रिक समाजवादी पार्टी (लोसपा) का अध्यक्ष महन्थ ठाकुरले एमसीसी सम्झौता संसदबाट अनुमोदन हुनु नेपालको हितमा हुने बताएका छन् ।

नेपालको विकास र गरिबी निवारणका लागि आवश्यक ठूला परियोजना बनाउन अमेरिकी सरकारले अनुदान रकम दिनु सकfरात्मक रहेको भन्दै अध्यक्ष ठाकुरले सम्झौता पारित गर्न विलम्व गर्न नहुने बताए ।

‘अमेरिकाले नेपाललाई ७ दशकभन्दा लामो समयदेखि सहयोग गर्दै आएको छ । एमसीसी सहयोगले नेपालको गरिबी निवारण र आर्थिक वृद्धिदर बढाउन मद्दत गर्ने भएकोले म यो सम्झौताको पक्षमा छु’, ठाकुरले भने ।

प्रतिनिधिसभामा एमसीसी सम्झौतामाथिको छलफलमा भाग लिदै अध्यक्ष ठाकुरले नेपालकै आवश्यकता र मागअनुसार अमेरिकाले अनुदान उपलब्ध गराएको भन्दै अन्तर्राष्ट्रिय सहयोगको सदुपयोग गराउनुपर्ने बताए ।