सभापतिको छिनोफानोपछि मात्रै पदाधिकारी र केन्द्रीय सदस्यको मतगणना

काठमाडौं । सभापतिको निर्वाचन दोस्रो चरणमा गएपछि कांग्रेसको नेतृत्व चयन प्रक्रिया थप लम्बिने भएको छ । पदाधिकारी तथा केन्द्रीय सदस्यहरुको मतगणा सुरू नै भएको छैन ।

कांग्रेस निर्वाचन समितिका अनुसार सभापतिको छिनोफानोपछि मात्रै पदाधिकारी र केन्द्रीय सदस्यहरुको मतगणना सुरु हुने छ । आज सभापतिको दोस्रोचरणको निर्वाचन हुनेछ जसमा शेरबहादुर देउवा र शेखर कोइराला भिड्ने छन् । बाँकी ३ उम्मेदवार पहिलो चरणबाट छाँटिएका छन् ।

दोस्रो चरणको चुनावलगत्तै सभापतिको मतगणना हुने र त्यसको परिणाम आएपछि अन्य पदहरुको मतगणना सुरु गर्ने तालीका छ । कागजी मतपत्र प्रयोग भएकाले पदाधिकारी र केन्द्रीय सदस्यहरुको मतगणना लम्बेतान हुनेछ ।

कांग्रेसमा पहिलोपटक सबै पदाधिकारीहरू निर्वाचनमार्फत चयन हुँदैछन् । १४ पदाधिकारीमा सभापतिबाहेक २ उपसभापति, २ महामन्त्री, ८ सहमहामन्त्रीको चुनाव भएको छ । यस्तै १३४ जना केन्द्रीय सदस्य निर्वाचनमार्फत छनोट हुनेछन् ।