रामेछाप एमालेका ७ पालिकामा नेतृत्व सर्वसम्मत, लिखु तामाकोशीमा चुनाव हुने (सूचीसहित)

रामेछाप । नेकपा एमालेले रामेछाप जिल्लाका ८ मध्ये सात स्थानीय तहमा अधिवेशन सम्पन्न गरी नयाँ नेतृत्व चयन गरेको छ । लिखु तामाकोशी गाउँपालिका कमिटीमा भने अध्यक्षसहित पदाधिकारीमा सहमति नभएका कारण कात्तिक २४ गते निर्वाचन तोकिएको जिल्ला कमिटीका पूर्वसचिव पुरुषोत्तम कडरियाले बताए ।

दुई नगरपालिका र ६ वटा गाउँपालिका रहेको रामेछापमा एमालेले एक नगरपालिकासहित ५ स्थानीय तह जितेको थियो । अधिवेशनबाट अधिकांश पालिकामा नयाँ अनुहार नेतृत्वमा आएका छन् ।

सबै ठाउँमा सर्वसम्मत भए पनि लिखु तामाकोशीमा केही पदमा सहमति हुन नसकेकाले फेरि पनि सर्वसम्मत नेतृत्व चयनको पहल हुने जिल्ला सचिव आनन्द श्रेष्ठले बताए ।

मन्थली नगर कमिटीमा सबै पदमा सर्वसम्मत भए पनि सचिवमा चुनाव भएको थियो । लिखु तामाकोशीमा पनि सदस्यहरु सर्वसम्मत भइसकेका छन् । अध्यक्षमा भीम तामाङ, लिला श्रेष्ठ र केशर पौडेलको उम्मेदवारी परेको छ ।

७ स्थानीय तहका अध्यक्ष र सचिव यस प्रकार छन् :-

उमाकुण्ड गाउँपालिका

अध्यक्ष-रुद्रमणी नेवार

सचिव-चन्द्र खाती

गोकुलगंगा गाउँपालिका

अध्यक्ष-दीपक कार्की

सचिव-तेम्बा शेर्पा

मन्थली नगरपालिका

अध्यक्ष-रामबाबु घिमिरे

सचिव-राजु कार्की

रामेछाप नगरपालिका

अध्यक्ष-रोशन पाख्रिन

सचिव- सुन्दर घिमिरे

खाँडादेवी गाउँपालिका

अध्यक्ष-पुष्करकुमार कार्की

सचिव-मोतिलाल तामाङ

सुनापति गाउँपालिका

अध्यक्ष-ज्ञानकुमार योन्जन

सचिव-रोज ग्यापक

दोरम्बा गाउँपालिका

अध्यक्ष-प्रेम लामा

सचिव- देउबहादुर थापा मगर