दसैँकाे मुखमा यातायात व्यवसायीकाे आन्दाेलन, यात्रुलाई सास्ती (तस्बिरहरु)

काठमाडौं । भाडा समायोजनको माग राख्दै यातायात व्यवसायीले सार्वजनिक यातायात सडकमा तेर्साएर आन्दोलन गरेका छन् ।
बढेको भाडादर कायम नभएको भन्दै यातायात व्यवसायीहरुले सडकमा गाडी तेर्साएर आन्दोलन गरेका हुन् ।

उपत्यकाको विभिन्न स्थानमा सार्वजनिक सवारी साधन सडक ल्याएर सडक नै अवरुद्ध पारेका छन् । सरकारले यसअघि बढाएको भाडादर समायोजन नगरेको भन्दै आन्दोलनमा उत्रने परेको यातायात व्यवसायीले बताएका छन् ।

उपत्यकाको रिङरोड, चाबहिल, जोरपाटी लगायतका क्षेत्रमा सवारी साधन सडकमा ल्याएर सडक अवरुद्ध बनाएको छन् । सार्वजनिक बस फाट्टफुट चले मात्रै चलेका छन् ।

कार्यलय हिडेका यात्रुहरु बीचबाटो मै अलपत्र परेका छन् । सवारी कुरेर बसेका यात्रुहरु पनि गन्तव्यमा पुग्न पाएका छैनन् । ट्राफिक प्रहरीलाई पनि ट्राफिक जाम खुलाउन हम्मेहम्मे परेको छ ।

तस्बिरहरु  :  उमेश  कार्की