तालिवान विजयपछि बाइडेनको लोकप्रियतामा ७ प्रतिशतले कमी

काठमाडौं । तालिवानले अफगान सत्तालाई नियन्त्रणमा लिएपछि अमेरिकी राष्ट्रपति जो बाइडेनको लोकप्रियतामा गिरावट आएको छ । रोयटर्सको अध्ययनमा बाइडेनको अप्रुभल रेटिङमा ७ प्रतिशतले कमी देखिएको हो ।

बाइडेनले ह्वाइट हाउस सम्हालेयताकै न्यून विन्दूमा उनको लोकप्रियता घटेको रोयटर्सले जनाएको छ । तर, न्यूयोर्क म्यागजिनले चाहिँ बाइडेनको लोकप्रियतामा ५० प्रतिशतले कमी आएको जनाएको छ ।

अफगानिस्तानमा तालिवानको विजयपछि बाइडेनको अप्रुभल रेटिङ ओरालो लागेको म्यागजिनले जनाएको छ । तर, बाइडेनको यो न्यून ग्राफ ट्रम्पको अप्रुभल रेटिङभन्दा उच्च रहेको समेत म्यागजिनले जनाएको छ ।

आलोचकले अफगानिस्तानसहितको विदेश नीतिमा बाइडेन प्रशासन असफल भएको बताउने गरेका छन् । पूर्वराष्ट्रपति ट्रम्प र विदेशमन्त्री माइक पोम्पियोले त बाइडेनको राजीनामा समेत मागेका थिए ।