निर्वाचन आयोगका पूर्वप्रमुखहरुले भने- मतदातालाई कुनै एक पक्षमा लाग्न प्रभाव पार्ने बजेट नल्याऊ – Nepal Press

निर्वाचन आयोगका पूर्वप्रमुखहरुले भने- मतदातालाई कुनै एक पक्षमा लाग्न प्रभाव पार्ने बजेट नल्याऊ

काठमाडौं । निर्वाचन आयोगका पाँचजना पूर्वप्रमुख आयुक्तहरुले आगामी कात्तिक र मंसिरमा प्रस्तावित प्रतिनिधिसभा निर्वाचनलाई प्रभावित पार्ने खालका कुनै पनि कार्यक्रम बजेटमा नल्याउन सरकारको ध्यानाकर्षण गराएका छन् ।

पूर्वप्रमुख आयुक्तहरू सूर्यप्रसाद श्रेष्ठ, भोजराज पोखरेल ,नीलकण्ठ उप्रेती, अयोधीप्रसाद यादव पूर्वकार्यवाहक प्रमुख आयुक्त दोलखवहादुर गुरुङले बिहीबार संयुक्त विज्ञप्ति जारी गर्दै मतदातालाई कुनै एक पक्षमा लाग्न प्रभाव पार्न नहुने बताएका हुन् ।

विज्ञप्तिमा भनिएको छ, ‘काम चलाउ सरकारले आगामी आर्थिक वर्षको बजेट ल्याउँदा स्वच्छ, स्वतन्त्र एवम् निष्पक्ष निर्वाचनका लागि समान प्रतिस्पर्धाको सिद्धान्त भित्र रही मतदातालाई कुनै एक पक्षमा लाग्न प्रभाव पार्ने गरी लक्षित कुनै किसिमका नयाँ नीति कार्यक्रम वा बजेट विनियोजन नगर्न सरकारको ध्यानाकर्षण गर्दछौं । ‘

उनीहरूले निर्वाचन आयोगलाई समेत यसबारेमा सजग गराउन आग्रह गरेका छन् ।

प्रतिक्रिया

Leave a Reply

Your email address will not be published. Required fields are marked *