सातामा दुई उडान मिलाइदिन सरकारलाई अमेरिकी आग्रह
नेपाल प्रेस
२०७८ वैशाख ३० गते १६:३७
काठमाडौं । अमेरिकाले सातामा दुईवटा अन्तर्राष्ट्रिय उडानको वातावरण बनाइदिन नेपाललाई आग्रह गरेको छ ।
अमेरिकी राजदूत र्यान्डी जे बेरीले विहिबार उपप्रधानमन्त्री एवं कोभिड संकट व्यवस्थापन केन्द्र निर्देशक समितिका संयोजक इश्वर पोखरेललाई सो आग्रह गरेका हुन् ।
उपप्रधानमन्त्री पोखरेल र राजदूत बेरीबीच विहिबार टेलिफोन संवाद भएको थियो ।
कोभिड-१९ संक्रमण फैलन नदिन सरकारले आगामी जेठ १३ गतेसम्म अन्तर्राष्ट्रिय उडानमा रोक लगाएको छ भने एयर बबल सुविधाअन्तर्गत भारतसँग सातामा दुईवटा उडान भैरहेका छन् ।
कूटनीतिक, कार्गो र उद्दारका उडान भने निरन्तर नै छन् । स्वास्थ्य सामाग्री आपूर्ति गर्नुपर्ने लगायतको अवस्थाको कारण अमेरिकाले थप उडान चाहेको हो ।
आउने सातादेखि अमेरिकाले नेपाललाई स्वास्थ्य सामाग्री आपूर्ति गर्न सुरु गर्ने जानकारी दिइसकेको छ ।
नेपाल प्रेस
प्रकाशित: २०७८ वैशाख ३० गते १६:३७
प्रतिक्रिया
सम्बन्धित खवर
