कोरोना त्रास : पशुपतिनाथ दर्शनमा रोक

काठमाडौं । पशुपति क्षेत्र विकास कोषले पशुपतिनाथको मन्दिरमा दर्शनार्थीलाई दर्शन गर्न रोक लगाएको छ ।

कोषले आज सूचना जारी गर्दै शुक्रबारदेखि अर्को सूचना जारी नभएसम्मका लागि पशुपति लगायतका मन्दिरमा दर्शन गर्न दर्शनार्थीलाई रोक लगाएको हो ।

वैशाख १० गतेबाट अर्को व्यवस्था नभएसम्मका लागि पशुपतिनाथको मन्दिर, गुह्येश्वरी मन्दिर लगायतका मन्दिरमा नित्य पूजा बाहेक अन्य क्रियाकलाप गर्न नपाउने कोषका कोषाध्यक्ष मिलनकुमार थापाले बताए ।

विश्वभर फैलिदै गइरहेको नयाँ भेरियन्ट सहितको कोभिड १९ को सङ्क्रमण नेपालमा समेत बढ्दै गएको सन्दर्भमा सो को रोकथाम तथा नियन्त्रणको लागि सक्रामक रोग ऐन, २०२० को दफा २ ले दिएको अधिकार प्रयोग गरी सरकारले आदेश जारी गर्दै भोलिबाट अर्को व्यवस्था नभएसम्मको लागि भक्तजनको लागि मन्दिर बन्द गरिएको कोषले जनाएको छ ।

कोषले यसबाट भक्तजनहरु लाई पर्न जाने असुविधा प्रति क्षमा मागेको छ ।