चीन ‘गरिबीमुक्त’ भन्ने आशंका खण्डन गर्न राजदूत यान्छीले रिलिज गरिन् फिल्म

काठमाडौं । गतसाता चीनले सिंगो मुलुक नै गरिबीमुक्त भएको घोषणा गर्‍यो । चिनियाँ विशेषतासहितको मापदण्डअनुसार १० करोड नागरिकलाई गरिबीबाट मुक्त गरिएको घोषणा राष्ट्रपति सी जिङपिङले गरेका थिए ।

चिनियाँ संचारमाध्यमले यसलाई मानव इतिहासकै ठूलो काम भनिरहेका छन् । तर, पश्चिमा संचारमाध्यमले चाहिँ चिनियाँ मापदण्डको गरिबी निवारण्मा भने आशंका गरिरहेका छन् ।

चिनियाँ नेतादेखि कुटनीतिज्ञ समेत अहिले चीन गरिबीमुक्त भएको पुष्टि गर्न सक्रिय भएका छन् । यो मामिलामा नेपालस्थित चिनियाँ राजदूत हाउ यान्छीसमेत सक्रिय छिन् । चीन अब गरिब नरहेको औचित्य पुष्टि गर्न यान्छीले बुधबार ५० मिनेट लामो एउटा डकुमेन्ट्री फिल्म सार्वजनिक गरेकी छिन् ।

न्यू चाइना टिभीको उक्त डकुमेन्ट्रीमा चीनले कसरी गरिबी निवारण गर्न सक्यो भन्ने कुरा चित्रण गरिएको छ । राजदूत यान्छीले सेयर गरेको डकुमेन्ट्री यस्तो छ । हेर्नूस :