विद्यार्थीलाई कोरोना खोपको माग गर्दै नेविसंघको प्रदर्शन (तस्बिरहरू)

काठमाडौं । नेपाली कांग्रेसको भ्रातृ संगठन नेपाल विद्यार्थी संघले कोरोना खोपको पहिलो अधिकार विद्यार्थीलाई दिनुपर्ने मागसहित माइतीघर मण्डलामा प्रदर्शन गरेको छ ।

विद्यालय र क्याम्पसहरू खुलेसँगै विद्यार्थीहरूमा कोरोनाको जोखिम बढेको भन्दै नेविसंघले विद्यार्थीहरूलाई प्राथमिकतामा राखेर कोरोना विरुद्धको खोप दिनुपर्ने माग अघि सारेको हो ।

नेविसंघका महामन्त्री दीपक भट्टराईले सरकारले विद्यार्थीहरूलाई प्राथमिकताका साथ कोरोना विरुद्धको खोप नदिए सडक आन्दोलन गर्ने चेतावनी दिए ।

प्रदर्शनको क्रममा ‘नेपाल विद्यार्थी संघको सरोकार, विद्यार्थीलाई कोभिड-१९ भ्याक्सिनको पहिलो अधिकार’,‘अबको खोप हाम्रो हो’, ‘विद्यार्थीले लाउने खोप कहिले आउने’, ‘नेविसंघको सरोकार हाम्रो खोप हाम्रो अधिकार’, ‘अबको खोप विद्यार्थीको अधिकार’ लगायतका नाराबाजी गरेका थिए ।