चेल्सीले प्रशिक्षकबाट लाम्पार्डलाई हटायो, पीएसजी कोचले चेल्सी सम्हाल्ने

काठमाडौं । इङ्लिस क्लब चेल्सीले म्यानेजरबाट फ्रयान्क लाम्पार्डलाई बर्खास्त गरेको घोषणा गरेको छ । चेल्सीले एक वक्तव्य जारी गर्दै लाम्पार्डलाई हटाइएको जनाएको छ ।

प्रशिक्षक नियुक्त भएको १८ महिनामै चेल्सीले व्यवस्थापकलाई बर्खास्त गर्ने निर्णय गरेको हो । एफए कपमा लुटन टाउनसँग ३–१ गोलले पराजित भएको चौबिस घन्टा नबित्दै चेल्सीले यस्तो निर्णय लिएको हो । अब लाम्पार्डको स्थानमा पेरिस सेन्ट जर्मनका प्रशिक्षक थोमस टचेलले व्यवस्थापन सम्हाल्नेछन् । 

Chelsea Football Club has today parted company with Head Coach Frank Lampard.

— Chelsea FC (@ChelseaFC) January 25, 2021

प्रिमियर लिगमा क्लबको प्रदर्शनलाई लिएर चौतर्फी चिन्ता र चासो व्यक्त भएको थियो । अघिल्लो सिजनमा लाम्पार्डको चेल्सीले झन्डै पुछारमा स्थान सुरक्षित गरेको थियो । यो सिजनमा चेल्सीले खेलाडी र व्यवस्थापनमा २७५ मिलियन डलर खर्च गरेको छ ।