राष्ट्रियसभामा कांग्रेसले भन्यो– प्रतिनिधिसभा विघटन असंवैधानिक र अप्रजातान्त्रिक – Nepal Press

राष्ट्रियसभामा कांग्रेसले भन्यो– प्रतिनिधिसभा विघटन असंवैधानिक र अप्रजातान्त्रिक

काठमाडौं । प्रमुख प्रतिपक्षी नेपाली कांग्रेसले प्रतिनिधिसभा विघटनलाई असंवैधानिक र अप्रजातान्त्रिक भनेको छ ।

राष्ट्रियसभाको शुक्रबार बसेको हिउँदे अधिवेशनको पहिलो बैठकलाई कांग्रेसका तर्फबाट सम्बोधन गर्दै जितेन्द्रनाराण देवले यस्तो धारणा राखेका हुन् ।

‘प्रतिनिधिसभाको विघटन पूर्णत असंवैधानिक र अप्रजातन्त्रिक छ,’उनले भने, ‘बहुमतको प्रधानमन्त्रीलाई यो संविधानले कहीँ पनि त्यस्तो अधिकार दिएको छैन। यदि संसदले प्रधानमन्त्री बनाउनै सकेन भने मात्रै विघटनको चरणमा प्रवेशमा गर्छ ।’

यद्यपि उनले यो विषय सर्वोच्च अदालतमा पनि प्रवेश गरेको भन्दै त्यसको फैसला पार्टीले मान्ने बताए। उनले भने, ‘यो विषय सर्वोच्च अदालतमा पनि छ । नेपाली कांग्रेस प्रजातान्त्रिक पार्टी भएकाले सर्वोच्च अदालतको फैसला जे आउँछ त्यसलाई मानेर जान्छ ।’

उनले संसद विघटनको कदमले देशमा अन्यौलता थपिएको भन्दै त्यसको जिम्मेवार प्रधानमन्त्री भएको आरोप लगाए। ‘देश अहिले अन्यौल, कुराको कागजस्तो, दिशाहिन अवस्थामा अवस्था छ,’ उनले भने, ‘ यसको मुख्य कारण सरकार हो । यसको कारक प्रधानमन्त्री हो ।’

उनले अहिलेको प्रधानमन्त्रीलाई शक्ति केन्द्रिकरण गर्ने भोक जागेको पनि आरोप लगाए।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर