स्पेनको क्याटलान नेता पुइग्देमोन्ट इटालीमा पक्राउ

रोम । स्पेनले पक्राउ पूर्जी जारी गरेका क्याटलान नेता काल्र्स पुइग्देमोन्ट इटालीको सार्दिनिया सहरबाट आज पक्राउ परेका छन् ।

सन् २०१७ मा गैरकानूनी जनमतसंग्रह गरेर राजतन्त्र विरुद्ध नागरिकलाई भड्काएको आरोप उनीविरुद्ध स्पेनले लगाउने गरेको छ । जनमतसंग्रहपछि क्याटलानका पूर्वराष्ट्रपति इटाली भागेका थिए ।

उनी आप्रवासीको रुपमा बेल्जियममा बसोबास गर्दै आएका थिए । उनका वकिलका अनुसार उनी शुक्रबार अदालतमा प्रस्तुत हुनेछन् र सम्भवतः स्पेनलाई हस्तान्तरण गरिनसक्छ ।

सन् २०१७ को जनमतसंग्रहपछि क्याटलानले आफूलाई स्वतन्त्र मुलुकको रुपमा घोषणा गरेपछि स्पेनमा राजनीतिक संकट सुरु भएको थियो । त्यसपछि मड्रिडले प्रत्यक्ष शासन थालेको थियो ।

सन् १०१९ मा युरोपेली संसदको सदस्यमा निर्वाचित भएपछि नेता पुइग्देमोन्टलाई माफी दिइएको थियो तर त्यसपछि गत मार्चमा फिर्ता लिइयो । इटालीको सीमा प्रहरीले रोकेपछि उनी बिहीवार अपरान्ह पक्राउ परेको उनको कार्यालयले जनाएको छ ।