सुदूरपश्चिममा नाउपाकी टीका मन्त्री बन्दै
वैशाख २१ मा विश्वासको मत लिने तयारी
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/04/sufurpaschim-tika-thapa.jpg)
कैलाली । सुदूरपश्चिम सरकार आज विस्तार हुने भएको छ । मुख्यमन्त्री दीर्घ सोडारीले आज नागरिक उन्मुक्ति पार्टीकि टीका थापालाई भूमि व्यवस्था कृषि तथा सहकारी मन्त्रीमा नियुक्त गर्दै छन् । १ बजे थापाको शपथ ग्रहणको तयारी गरिएको छ ।
वैशाख ६ गते सुदूरपश्चिमको मुख्यमन्त्रीमा सोडारी नियुक्त भएका थिए । सोही दिन मुख्यमन्त्री सोडारीले भौतिक पूर्वाधार विकास मन्त्रीमा नाउपका कैलाश चौधरीलाई नियुक्त गरेका थिए । आज फेरि नाउपाकै अर्का सांसद थापालाई मन्त्रीमा नियुक्त गर्दै छन् ।
आज बिहान मुख्यमन्त्री तथा मन्त्रीपरिषद् कार्यालयमा बसेको सत्ता गठबन्धनको बैठकमा मुख्यमन्त्री सोडारीले २१ गते विश्वासको मत लिने विषयमा पनि समझदारी भएको छ ।