१७ औं संस्करणको आईपीएल शुक्रबारबाट सुरु हुँदै – Nepal Press

१७ औं संस्करणको आईपीएल शुक्रबारबाट सुरु हुँदै

काठमाडौं । १७ औं संस्करणको इन्डियन प्रिमियर लिग (आईपीएल) क्रिकेट भोलिदेखि भारतमा सुरु हुँदैछ । पहिलो खेलमा साविक विजेता चेन्नई सुपर किंग्स र रोयल च्यालेन्चजर्स बैंग्लोरबीच खेल हुनेछ । यी दुई बिचको खेल चेन्नईस्थित एमए चिदम्बरम् स्टेडियममा नेपाली समय अनुसार राति सवा ८ बजेबाट सुरु हुनेछ ।

बैंग्लोरको कप्तानी विरोट कोहलीले गर्नेछन् भने चेन्नईको कप्तानी रुतुराज गायकवाडले गर्नेछन् । रुतुराज बिहीबार मात्रै चेन्नईको कप्तानको जिम्मेवारी पाएका थिए । २००८ देखि कप्तानी गरेका धोनीले रुतुराजलाई चेन्नईको कप्तानी सुम्पिएका थिए ।

चेन्नई आइपिएलकै सर्वाधिक टोली हो भने बैंग्लोरले हासलम्म एक पटक पनि उपाधि जित्न सकेको छैन । चेन्नईले पाँच पटक उपाधि जित्दा पाँच पटक उपविजेता बनेको छ । २०२३ मा भएको १६औं संस्करणको आइपिएलको फाइलनमा गुजरात टाइम्सलाई ५ विकेटले पराजित गर्दै चेन्नईले उपाधि जितेको थियो ।

आईपीएलमा चेन्नई र मुम्बई इन्डियन्सले ५–५ पटक उपाधि जित्दा कोलकाता नाइट राइडर्सले २ पटक उपाधि जितेको छ । सनराइजर्स हैदरावाद, राजस्थान रोयल्स, डेक्कन चार्जर्स र गुजरात टाइटन्स एकएक पटक आइपिएलको उपाधि जितेका छन् ।

 


प्रतिक्रिया

Leave a Reply

Your email address will not be published. Required fields are marked *