युक्रेन मुद्दा पश्चिमा देशलाई रणनीतिक हो, रुसलाई गर या मरको : पुटिन
नेपाल प्रेस
२०८० फागुन ६ गते १९:५०
काठमाडौं । रुसी राष्ट्रपति भ्लादिमिर पुटिनले युक्रेन मुद्दा रुस र पश्चिमा विश्वलाई फरक फरक भएको बताएका छन् ।
पश्चिमा देशहरुलाई युक्रेन मामिला रणनीतिकमात्रै भएको भन्दै पुटिनले रुसलाई युक्रेन मामिला गर या मरको भएको बताएका छन् ।
रुसी विश्व च्यानल आरटीका अनुसार पुटिनले रुसको अस्तित्वसँग युक्रेन मुद्दा जोडिएको बताएका छन् । पत्रकार पाभेल जारुविनसँग कुराकानी गर्दै पुटिनले यस्तो बताएका हुन् ।
आफूले अमेरिकी पत्रकार टकर काल्र्सनलाई रुसको इतिहासमा छिरेर अन्तर्वार्ता दिनुको कारण नै युक्रेन मामिलामा रुसी मस्तिष्क बुझाउन भएको पुटिनले पत्रकारलाई बताएका छन् ।
तीन सय वर्षको इतिहास भएका अमेरिकीहरुलाई १०० वर्ष पुरानो इतिहास बुझ्न कठिन भएको पुटिनले बताए ।
नेपाल प्रेस
प्रकाशित: २०८० फागुन ६ गते १९:५०
प्रतिक्रिया
सम्बन्धित खवर
