कोशीमा कांग्रेससँगको सहकार्य भंग गर्ने माओवादीको चेतावनी

विराटनगर । माओवादी केन्द्र कोशी प्रदेशका अध्यक्ष हर्कबहादुर नेम्वाङ मिक्सोले कांग्रेसले धोका दिएको भन्दै कोशीमा कांग्रेससँगको सहकार्य भंग हुने बताएका छन् ।

राष्ट्रियसभा निर्वाचनमा माओवादीका उमेद्वार चम्पादेवी कार्की पराजित भएपछि नेम्वांगले कोशी प्रदेशमा कांग्रेससँगको सहकार्य भंग हुने बताएका हुन् ।

उनले कांग्रेसले गठबन्धनका नाममा माओवादीलाई पटकपटक धोका दिएको बताए । उनले गठबन्धन टिकाउने नाममा कांग्रेसकै कारण यसअघि संसदमा माओवादीले सभामुख गुमाएको बताए ।

उनले भने, ‘अहिले पनि हाम्रा उम्मेदवार पराजित भएका छन् । पार्टी नेतृत्वले केन्द्रमा सहकार्य गरेपनि प्रदेशमा कांग्रेससँग सहकार्य भंग गर्छौँ ।’

कार्कीलाई गर्दै एमालेकी रूक्मिणी कोइराला विजयी भएकी छन् । गठबन्धनसँग बहुमत हुँदाहुँदै कार्कीले जम्मा चार हजार ९९२ मत पाएकी छन् ।

कोशीमा १६ जना स्थानीय तहका गठबन्धनका प्रतिनिधि ३ जना प्रदेश सांसद फलोर क्रस गरेर कोइरालालाई मत हालेका थिए ।