सडक किनारमा कार रोकेर सेतीमा नुहाउन पसेका व्यक्ति डुबेर बेपत्ता
नेपाल प्रेस
२०८१ वैशाख १७ गते १५:२१
सांकेतिक तस्विर
डोटी । सेती नदीमा नुहाउने क्रममा एकजना डुबेर बेपत्ता भएका छन् ।
शिखर नगरपालिका-८ लुवाखडीनजिकै नदीमा धनगढी उपमहानगरपालिका-३ मायामेट्रो अस्पताल पछाडि बस्ने अन्दाजी ४० वर्षीय नरबहादुर तामाङ डुबेको डोटी प्रहरीले बताएको छ । उनी सु.प.प्र. ०१ ००१ ज. १५३४ नम्बरको अल्टो कार लिएर धनगढीबाट अछामतर्फ जाँदै थिए थिए ।
कार सडक किनारमा रोकी उनी नुहाउन गएको प्रहरी नायव निरीक्षक नारायणसिंह नेगीले जानकारी दिए । उनका अनुसार तामाङ बेपत्ता भएको सूचनामा सोही कारमा सँगै रहेका रेवन्त अधिकारीले दिएका थिए ।
प्रहरीले उनको खोजी गरिरहेको छ ।
नेपाल प्रेस
प्रकाशित: २०८१ वैशाख १७ गते १५:२१
प्रतिक्रिया
सम्बन्धित खवर
