आँचल र दयाहाङको ‘डिग्री माइला-एमए थर्ड क्लास’ को शुभमुहूर्त

काठमाडौं । कबड्डी सिरिजका निर्देशक रामबाबु गुरुङको निर्देशनमा बन्ने ‘डिग्री माइला-एमए थर्ड क्लास’ चलचित्रको शुभमुहूर्त गरिएको छ ।

आज बिहान नक्साल भगवतिमा पुगेको फिल्मको शुभमुहूर्त गरिएको हो । चलचित्रमा आँचल शर्मा र दयाहाङ राईको मुख्य अभिनय रहनेछ ।

अर्का साताको शुक्रबारबाट छायांकन सुरु हुने निर्माण पक्षले बताएको छ । छायांकन काठमाडौं ,ओखलढुंगा रुम्जाटारमा हुनेछ । दोस्रो सेडयुल मंसिर पहिलोहप्ताबाट हुनेछ ।

चलचित्र आगामी बैशाख १ गते रिलिज गर्ने तयारी निर्माण पक्षको छ । निर्देशक गुरुङले गत साउन २९ गते चलचित्रको घोषणा गरेका थिए ।