उपचुनाव
जनमतका शिवचन्द्रले गराए बारा २ मा उम्मेदवारी दर्ता
नेपाल प्रेस
२०७९ चैत २० गते १७:५४
जनकपुरधाम । जनमत पार्टीबाट बारा क्षेत्र नम्वर २ मा शिवचन्द्र कुशवाह उम्मेदवारी दर्ता गराएका छन् ।
कलैयास्थित मुख्य निर्वाचन अधिकृतको कार्यालय पुगेर उनले उम्मेदवारी दर्ता गराएका हुन् । कार्यकर्ताहरूको मोटरसाइकल र्यालीको साथमा कुशवाहा मनोनयन दर्ता गर्न पुगेका थिए ।
यसअघि गठबन्धनबाट लडेका कुशवाह करिब ३ सय मतान्तरले रामसहायप्रसाद यादवसँग पराजित भएका थिए । केही दिनअघि मात्र माओवादी केन्द्र छाडेर उनी जनमत पार्टीमा प्रवेश गरेका हुन् ।
यहाँ जसपाबाट अध्यक्ष उपेन्द्र यादव, राष्ट्रिय स्वतन्त्र पार्टीबाट रमेश खरेल, नेकपा एमालेबाट पुरुषोत्तम पौडेललगायतले उम्मेदवारी दिएका छन् ।
यादवलाई १० दलीय गठबन्धनमध्ये कांग्रेस, माओवादी, नेकपा एस र लोसपाको समर्थन छ ।
नेपाल प्रेस
प्रकाशित: २०७९ चैत २० गते १७:५४
प्रतिक्रिया
सम्बन्धित खवर
