राष्ट्रपतिमा राप्रपाको साथ कसलाई ? कार्यसम्पादन समिति बैठक आज
नेपाल प्रेस
२०७९ फागुन २४ गते ७:४६
फाइल तस्बिर ।
काठमाडौं । राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठक बस्दैछ ।
राष्ट्रपति निर्वाचनका बारेमा कस्लाई मत दिने भन्नेलगायतका विषयमा निर्णय गर्नका लागि बैठक बोलाइएको हो । बैठक केन्द्रीय कार्यालय धुम्बाराहीमा १ बजे बस्नेछ ।
‘राष्ट्रपतिको निर्वाचनका बारेमा पनि बैठकमा छलफल हुनेछ,’ प्रवक्ता मोहन श्रेष्ठले भने । उनका अनुसार समसमायिक राजनीतिक विषय पनि बैठकका एजेण्डा छन् ।
पुष्पकमल दाहाल नेतृत्वको सरकारलाई दिएको समर्थन फिर्ता लिँदै सरकारबाट बाहिरिएको राप्रपाले राष्ट्रपतिमा कसलाई मत दिने भन्ने निर्णय गरिसकेको छैन ।
यसअघि ९ दलीय गठबन्धनका रामचन्द्र पौडेल र एमालेका सुवास नेम्वाङलले छुट्टाछुट्टै भेटेर लिङदेनसँग भोट मागिसकेका छन् ।
नेपाल प्रेस
प्रकाशित: २०७९ फागुन २४ गते ७:४६
प्रतिक्रिया
सम्बन्धित खवर
