आर्सनललाई सात अङ्कको अग्रता
काठमाडौं । आर्सनलले इङ्ग्लिस प्रिमियर लिगमा सात अङ्कको अग्रता लिएको छ । शनिवार राति भएको खेलमा ब्राइटनलाई ४–२ ले पराजित गर्दै आर्सनल म्यानचेस्टर सिटीभन्दा सात अङ्कको अघि रहेको हो ।
जितसँगै शीर्षस्थानमा रहेको आर्सनलको १६ खेलबाट ४३ अङ्क छ । समान खेलबाट सिटीको ३६ अङ्क रहँदा पराजित ब्राइटन २४ अंकसहित आठौँ स्थानमा रह्यो ।
भ्रमणकारी टोली आर्सनलको जितमा मार्टिन ओडेगार्डले दुई गोल गरे । यसै गरी बुकायो साका र इडवार्ड एन केटियाले एक एक गोल गरेका थिए । ब्राइटनका लागि काउरु मिटोमा र इभान फर्गुसनले समान एक गोल गरे ।
राति नै भएको खेलमा सिटी एभर्टनसँग १–१ गोलको बराबरीमा रोकियो । म्यानचेस्टर युनाइटेडले उल्भ्सलाई १–० ले पराजित गर्यो ।
यसै गरी फुलहमले साउथह्याम्पटन र क्रिस्टियल प्यालेसले बर्थमाउथलाई हरायो ।