आर्सनलको लय कायमै
नेपाल प्रेस
२०७९ पुष १२ गते ७:२४
काठमाडौं । स्टार खेलाडी गाब्रियल जेसुस घाइते भएपनि बुकायो साका र एडी एनकेटीयको उत्कृष्ट प्रदर्शनमा माइकल अर्टेटाको आर्सनलले इंग्लिस प्रिमियर लिगमा सात अंकको अग्रता बनाएको छ ।
बक्सिङ डे अर्थात सोमबार राति भएको खेलमा आर्सनलले पुनरागमन गर्दै वेस्टहाम युनाइटेडलाई ३–१ ले हरायो ।
खेलको २७औँ मिनेटमा साइड बेन्राहमाले पेनाल्टीमा गोल गर्दै भ्रमणकारी टोली वेस्टहामलाई पहिलो हाफमा अग्रता दिलाएका थिए ।
दोस्रो हाफमा घरेलु टोली आर्सनलले खेलमा पुनरागमन गर्यो । मार्टिन ओडेगार्डको पासमा बुकायो साकाले बराबरी गोल गरेका थिए ।
ग्रानिट छाकाले मिलाएको बललाई गाब्रियल मार्टिनेलीले गोल गर्दै २–१ को स्थितिमा ल्याएका हुन् ।
इडवार्ड एनकेटियले ६९औँ मिनेटमा गोल गर्दै आर्सनललाई महत्त्वपूर्ण तीन अंक दिलाए ।
जितपछि आर्सनलले १५ खेलबाट ४० अंक जोडेको छ । दोस्रो स्थानका न्युक्यासल युनाइटेडको ३३ अंक छ ।
म्यानचेस्टर सिटीको भन्दा सात अंक फरक हो । सिटीले बुधवार लिड्स युनाइटेडसँग खेल्दैछ ।
नेपाल प्रेस
प्रकाशित: २०७९ पुष १२ गते ७:२४
प्रतिक्रिया
सम्बन्धित खवर
