राहदानी विभागमा महानगरको कारबाही: पार्किङ एरिया गराइयो खाली (तस्बिरहरु)
काठमाडौं । काठमाडौं महानगरपालिकाले त्रिपुरेश्वरस्थित राहदानी विभागको पार्किङ एरिया खाली गराएको छ ।
महानगरले पार्किङ प्रयोजनको लागि अनुमति लिएर ग्राहक प्रतिक्षालय बनाएको विभागको पार्किङ एरिया खाली गराएको हो । महानगरका प्रहरीका एसपी राजु पाण्डेकाे नेतृत्वमा अण्डरग्राउण्ड प्रतिक्षालयका रुपमा प्रयोग गरेको पाइएपछि नगर प्रहरीले कुर्सीहरु हटाएको छ ।
विभागले राहदानी बनाउन आउनेहरुको लागि बस्न कुर्सी राखिएको थियो ।
दुई–तीन पटक पार्किङ एरिया खाली गराउनका लागि चिठी पठाए पनि विभागले अटेर गरिरहेको छ । उक्त स्पेस अरु नै काममा प्रयोग भएपछि सेवाग्राहीले पार्किङका लागि असुविधा भोग्दै आएका छन् । त्यसैले महानगरले बल प्रयोग गरेर सो स्थान खाली गराउन लागेको स्रोतले बताए ।
आज बालेन आफैं भने फिल्डमा उत्रिने छैनन् । महानगरका नगरप्रहरीहरु पार्किङ खाली गराउनका लागि एसपी राजू पाण्डेको नेतृत्वमा नगरप्रहरीको टोली विभागमा आएका थिए ।
तस्बिर:उमेश कार्की