हेटौँडामा प्रेस युनियनको चुनावी सरगर्मी (तस्बिरहरू)

हेटौँडा । नेपाल प्रेस युनियनको नवौँ राष्ट्रिय अधिवेशन आजबाट हेटौँडामा सुरू भएको छ । प्रधानमन्त्री एवं कांग्रेस सभापति शेरबहादुर देउवाले महाधिवेशनको उद्घाटन गरेका छन् ।

रोयल प्यालेस हेटौँडामा जारी अधिवेशनले ३ वर्षको लागि नयाँ नेतृत्व चयन गर्नेछ । युनियनले ८ वर्षपछि महाधिवेशन गरेर नेतृत्व छान्न लागेको हो । महाधिवेशनमा भाग लिन देशभरका १६३० प्रतिनिधि हेटौँडा आएका छन् । आगामी तीन वर्षका लागि नयाँ नेतृत्व चयन गर्नेछन ।

चुनावी अधिवेशन भएकाले उम्मेदवारहरूले भोट माग्दै प्रचार-प्रसार सुरू गरेका छन् । प्रचार सामग्रीले महाधिवेशनस्थल भरिएको छ । संस्थापन र इतर पक्षबाट प्यानल नै बनाएर उम्मेदवारहरू मैदानमा होमिएकाले नेतृत्व चयनका लागि कडा प्रतिस्पर्धा हुने देखिएको छ ।