स्वास्थ्य सामग्रीको अवैध कारोबार आशंकामा जनकपुरको फ्ल्याटमा छापा, तीनजना पक्राउ

जनकपुरधाम । स्वास्थ्य सामग्रीको अवैध कारोबार भइरहेको आशंकामा जनकपुरधाम उपमहानगरपालिका- ९ संकटमोचन मन्दिर नजिकै रहेको एउटा फ्ल्याटमा प्रहरीले छापा मारेको छ ।

डीएसपी दिपक राई नेतृत्वको टोलीले स्वास्थ्य सामग्रीको गोदाममा छापा मारेको हो। उक्त फ्ल्याटमाबाट ठूलो परिमाणमा स्वास्थ्य सामग्रीहरु, एउटा भारतीय नम्बर प्लेटको कार र तीन जनालाई प्रहरीले पक्राउ गरिसकेको छ । तीन जनाध्ये एक जना भारतीय डाक्टर रहेको बताइएको छ ।

अहिले छापामारी जारी छ । ‘मेडिकल समानहरु बरामद भएकाले तत्काल कति बराबरको भन्न सक्दिनँ,’डिएसपी राइले भने, ‘अहिले घटनास्थलमै छौं । अनुसन्धान जारी छ ।’

भारतीय डाक्टरले अबैध रुपमा मेडिकल सामानहरु भारतबाट ल्याएर यहाँ सप्लाई गर्ने गरेका थिए भन्ने प्रहरीको अनुमान छ ।