फरहान अख्तर र गायिका शिवानीबीच फेब्रुअरी २१ मा बिहे हुँदै

मुम्बई । बलिउड अभिनेता तथा निर्देशक फरहान अख्तर र गायिका शिवानी दांडेकरले फेव्रुअरी २१ मा बिहे गर्ने भएका छन् । फरहानका पिता तथा गीतकार जावेद अख्तरले यसबारे पुष्टि गरेका हुन् ।

उक्त मितिमा दुबैले कोर्ट म्यारिज गर्ने र त्यसपछि वैवाहिक सेलिव्रेसन जानकारी उनले दिए । बिहे लगत्तै खंडालास्थित फार्महाउसमा एक पारिवारिक जमघटसमेत हुनेछ ।

उनीहरुको बिहेको कार्यक्रम व्यवस्थापन गर्ने कार्य एक निजी वेडिङ कम्पनीले लिएको छ । कोरोना महामारी कायमै रहेकाले सीमित संख्यामा आगन्तुकलाई निम्तो दिइएको छ ।

शिवानी असल महिला भएको जावेदले बताए । ‘उनी असल युवती हुन् । हामी सबै उनलाई मन पराउँछौं । सबैभन्दा ठूलो कुरा फरहान र शिवानी एकअर्कालाई निकै मनपराउँछन् र बिहे गर्दैछन् । यो सबैभन्दा ठूलो कुरा हो’ उनले भने ।

जावेदका अनुसार फरहान र शिवानीले बिहेमा सब्यासाचीको डिजाइन लगाउनेछन् । यो जोडी चारवर्षदेखि सम्बनन्धमा छ । दुबैले एक घरपालुवा जनावरलाई पनि एडप्ट गरेका छन् ।