भारतविरुद्धको खेलअघि अब्दुल्लाह भन्छन्- इतिहास लेख्न हामी तयार छौं (भिडियो) – Nepal Press

भारतविरुद्धको खेलअघि अब्दुल्लाह भन्छन्- इतिहास लेख्न हामी तयार छौं (भिडियो)

काठमाडौं । राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीले नेपाललाई ‘रियल गोर्खाली’ बताउँदै ‘इतिहास खेल्न तयार’ रहेको बताएका छन् ।

‘हामीले दुई महिनादेखि तयारी गरिरहेका छौं । पोखरामा पनि अभ्यास गरेर एक सातादेखि काठामाडौंमै छौं,’ उनले भने ‘इन्डियन टोलीलाई हामीले विश्लेषण गरेका छौं । हाम्रा लागि साफ च्याम्पियनसिप महत्त्वपूर्ण छ । यो एक मैत्रीपूर्ण खेलमात्रै हो ।’

‘वि आर रियल गोर्खाली, वि हाभ टु वीन टु म्याचेज,’ प्रशिक्षक अब्दुल्लाहले भने ‘नेपाली टोलीलाई देखेर नेपालीले गर्व गर्ने बनाउनु मेरो जिम्मेवारी हो ।’

भारतविरुद्ध नेपालको इतिहास कमजोर रहेको बताउँदै प्रशिक्षक अब्दुल्लाले अब इतिहास लेख्नका लागि नेपाली टोली तयार रहेको बताएका छन् ।

‘हामी इतिहासको बारेमा होइन, भविष्यको कुरा गर्छौं । वि आर रेडी टु क्रेट हिस्ट्री,’ प्रशिक्षक अब्दुल्लाहले भने, ‘भोलि हामी ठूलो सरप्राइज दिन्छौं । सबैभन्दा महत्त्वपूर्ण कुरा मेन्टालिटी स्ट्रङ्ग छ ।’

नेपालका लागि साफ च्याम्पियनसिप महत्तवपूर्ण भएकाले त्यसलाई ध्यानमा राखेर तयारी गरिरहेको उनले बताए ।

‘साफ कपमा हामी फेभेरट होइनौं, त्यसैले हामी जित्न सक्छौं । त्यो हाम्रो स्ट्रेन्थ हो,’ अब्दुल्लाहले भने, ‘भारतविरुद्धका दुईमध्ये कम्तीमा पनि एक खेल जित्न चाहन्छौं ।’

यस्तै, नेपालका कप्तान किरण चेम्जोङले पनि टोलीको मनोबल उच्च भएकाले भोलि नेपालले जितका लागि खेल्ने बताए ।

‘कोचले भने जस्तै २ महिनाभन्दा लामो तयारीले हामी राम्रो सेपमा छौं,’ कप्तान किरणले भने, ‘घरेलु मैदानमा कोभिडको महामारीमा पनि २ वटा भारतसँग मैत्रीपूर्ण खेल खेल्न पाउनु राम्रो अवसर हो ।’

फिफाले अन्तर्राष्ट्रिय खेलका लागि छुट्याएका दिनहरूमा खेल हुने भएकाले यी मैत्रीपूर्ण खेल भए पनि यसको नतिजाले वरीयतामा प्रभाव पार्नेछ ।

‘फिफा डेटमा हुने भएकाले हामीलाई रिजल्ट महत्त्व्पूर्ण छ । रिजल्टका लागि खेल्छौं । यो खेलबाट हामी कहाँ छौं ? कमजोरी र स्ट्रेन्ट पत्ता लगाउन यो खेल महत्त्वपूर्ण छ,’ किरणले भने, ‘टफ म्याच । अहिलेसम्म खेलेको कुनै खेल इजी थिएन । दर्शकबिना खेल्नु पर्ने होला जस्तो दु:खद् छ । तर, भोलिको खेल एकदमै कठिन र महत्त्वपूर्ण छ ।’

यद्यपि, सीमित दर्शकलाई रंगशाला प्रवेशको अनुमति दिइएसँगै भोलि ५ हजार १ सय दर्शकका अगाडि खेल हुने निश्चित छ ।

प्रतिक्रिया

Leave a Reply

Your email address will not be published.

सम्बन्धित खवर