‘मेरो सेयर’मा थपियो नयाँ फिचर, आफ्नो सेयरबारे थप जानकारी लिन सकिने

काठमाडौं । सरकारले बजेटमार्फत लगानीकर्ताले सेयर होल्डका आधारमा पुँजीगत लाभकर निर्धारण गरेपछि केन्द्रीय निक्षेप प्रणाली सीडीएससीले ‘मेरो सेयर’ सफ्टवेयरमा नयाँ फिचर थप गरेको छ ।

साउन १ गतेबाट नयाँ पुँजीगत लाभकर लागू भएपछि सीडीएससीले सेयर अवधि गणना गर्ने फिचर थप गरेको हो । आइतबार साँझ ७ बजेपछि सो फिचर ‘मेरो सेयर’मा देखिने छ ।

लगानीकर्तालाई आफूले किनेको शेयर कति समय होल्ड गरें भन्ने कुरा सहजै थाहा होस् भनेर यो फिचर निर्माण गरिएको सीडीएससीले बताएको छ ।

नयाँ पुँजीगत लाभकरमा लगानीकर्ताले एक वर्षभन्दा कम समयमा सेयर बेचे ७.५ प्रतिशत लाभकर र १ वर्षभन्दा बढी होल्ड गरेको छ भने ५ प्रतिशत पुँजीगत लाभकर तिर्नुपर्नेछ ।