सिभिल अस्पतालमा शुक्रबारदेखि नियमित सेवा

काठमाडौं । काठमाडौंको मीनभवनमा रहेको निजामती कर्मचारी अस्पतालमा शुक्रबारदेखि सबै सेवाहरु नियमित सञ्चालन गरिने भएको छ ।

कोभिड १९ का महामारीको कारण आंशिक रुपमा सञ्चालन हुँदै आएका सेवाहरु आगामी शुक्रबारदेखि नियमित रुपमा सञ्चालन हुने अस्पतालले जनाएको छ ।

यसअघि कोभिडको कारण आंशिक रुपमा मात्रै अस्पतालले सेवा दिदै आएको थियो । अस्पतालले कोभिड महामारीको बीचमा बाग्मति प्रदेशको सहयोगमा १५० बेड थप गरी कोरोना अस्पतालको रुपमा सञ्चालन गरेको थियो ।