सुदूरपश्चिममा प्रि- बजेटकाे छलफल शुरु

कैलाली । सुदूरपश्चिम प्रदेश सरकारले आगामी आर्थिक वर्षको लागि बजेट ल्याउने तयारी गरिरहेको छ । प्रदेश सरकारले प्रदेश सभामा बजेट सम्बन्धी छलफल शुरु गरेको छ ।

आइतबार बस्ने बैठकमा आर्थिक मामिला तथा योजना मन्त्री प्रकाश शाहले आगामी आर्थिक वर्षको बजेट तथा कार्यक्रमको सिद्धान्त र प्राथमिकतासहित पूर्व बजेट छलफलका लागि तयार गरिएको दस्ताबेज पेश गर्ने जनाइएको छ ।

आठौँ अधिवेशने तेस्रो बैठकमा दस्तावेज पेश गर्ने र अर्को बैठकबाट छलफल शुरु गर्ने सरकारको तयारी छ । प्रदेश सरकारले आगामी आर्थिक वर्षको बजेट चालू वर्षभन्दा घटाएर ल्याउने बताएको छ ।

प्रदेश सरकारले आगामी आर्थिक वर्षमा २३ अर्ब हाराहारीको बजेट ल्याउने तयारी गरेको हो । संघीय सरकारको बजेटसमेत गरी २८ अर्ब सम्म पुग्ने आन्तरिक मामिला तथा योजना मन्त्रालयले जनाएको छ।