फोटो फिचर
सांसदहरूले लगाए कोरोनाविरुद्धको खोप (फोटो फिचर)
काठमाडौं । प्रतिनिधिसभा र राष्ट्रियसभाका सांसदहरूलाई कोरोनाविरुद्धको खोप लगाउन शुरू गरिएको छ ।
बुधबार बिहान १० बजेदेखि नयाँ बानेश्वरस्थित सिभिल अस्पतालमा सांसदहरूलाई खोप दिन शुरू गरिएको हो । पहिलो दिन सभामुख अग्निप्रसाद सापकोटालगायतका सांसदहरूलाई खोप लगाइएको छ । राष्ट्रियसभाका अध्यक्ष, उपाध्यक्षलगायतले पनि खोप लगाउँनेछन् ।
फागुन २३ गतेदेखि प्रतिनिधिसभाको बैठक बस्दैछ ।
खोप लगाएर मात्र संसद भवनमा छिर्न दिइने भएकाले सचिवालयले सबै सांसद, संसद सचिवालयका कर्मचारी, अन्तर्राष्ट्रिय सम्मेलन केन्द्रका कर्मचारी, मर्यादापालक र संसदीय मामिला सम्बन्धी पत्रकारहरूलाई खोप लगाउने व्यवस्था मिलाएको छ ।
खोप लगाइसकेपछि सभामुख अग्निप्रसाद सापकोटाले कोभिड-१९ विरुद्ध पूर्ण विजय हासिल गर्न सकिन्छ भन्ने विश्वास पैदा भएको प्रतिक्रिया दिए ।
प्रकाशित: २०७७ फागुन १९ गते १२:२६
