दार्चुलामा पहिरो जाँदा महाकाली नदी थुनियो, सचेत रहन प्रशासनको आग्रह – Nepal Press

दार्चुलामा पहिरो जाँदा महाकाली नदी थुनियो, सचेत रहन प्रशासनको आग्रह

काठमाडौं । दार्चुलाको माल्पामा आएको ठूलो पहिरोका कारण महाकाली नदी थुनिएको छ । नदीमा जम्मा भएको पानी फुट्न सक्ने सम्भावना रहेको भन्दै जिल्ला प्रशासन कार्यालय कञ्चनपुरले स्थानीय जनतालाई सचेत गराएको छ ।

जिप्रका कञ्चनपुरले सूचना प्रकाशित गरी महाकाली नदी नजिक बस्ती भएका र सो क्षेत्रमा काम गर्ने सबैलाई सचेत रहन र आवश्यक सतर्कता अपनाउन आग्रह गरेको हो । जिप्रकाले स्थानीयवासीलाई सतर्क रहन माइकिङ पनि गरिरहेको छ ।

कञ्चनपुरका प्रमुख जिल्ला अधिकारी रामकुमार महतोले स्थानीय तहलाई पनि यस विषयमा जानकारी गराइएको बताए । वर्षायाममा जस्तो धेरै ठूलो जोखिम नरहेको उनको भनाइ छ ।

 

प्रतिक्रिया

Leave a Reply

Your email address will not be published.