एकै खेलमा सावित्राले गरिन् १२ गोल – Nepal Press

एकै खेलमा सावित्राले गरिन् १२ गोल

काठमाडौं । महिला फुटबलमा दुर्लभ कीर्तिमान राख्दै स्ट्राइकर सावित्रा भण्डारीले एकै खेलमा १२ गोल गरेकी छन् । काठमाडौंमा जारी महिला राष्ट्रिय लिगमा उनले एपीएफबाट खेल्दै चौदन्डी नगरपालिकाविरुद्ध गोल वर्षा गरेकी हुन् ।

एपीएफले चौदन्डीविरुद्ध २२-० को जित हात पारेको छ । एपीएफबाट अनु लामा र अनिता बस्नेतले पनि ह्याट्रिक गरेका थिए ।

एन्फा कम्प्लेम्समा भएको एकपक्षीय खेलमा कप्तान अनु लामाले ५ गोल र अनिता बस्नेतले तीन गोल गरे । यस्तै सरु लिम्बु र रेनुका नगरकोटीले समान १ गोल गरेका थिए । पहिलो हाफमा एपीएफले १२-० को अग्रता लिएका थियो भने दोस्रो हाफमा १० गोल थपेको थियो ।

सावित्राले पाँचौ मिनेटमा गोलको खाता खोलेकी थिइन् । त्यसपछि उनले एक-एक मिनेटको अन्तरमा लगातार तीन गोल गरिन् । ३२ औं, ३३ औं र ३४ औ मिनेटमा उनले लगातार गोल गरेकी थिइन् ।

मध्यान्तरअघि ३८ औं मिनेटमा गोल गर्दै उनले व्यक्तिगत गोलसंख्या पाँच पुर्‍याइन् । मध्यान्तरपछि पनि सावित्राको गति थामिएन । मध्यान्तरपछिको दोस्रो मिनेटमा नै डबल ह्याट्रिक पूरा गरेकी उनले ५५ औं,६२ औं, ६३ औं, ७२ औं, ७९ औं र इन्जुरी टाइममा गोल गरिन् ।

प्रतिक्रिया

Leave a Reply

Your email address will not be published.