गोदावरीको मेयरमा पराजित एमाले नेता सिलवाल नेकपा एसमा प्रवेश
नेपाल प्रेस
२०७८ माघ १३ गते १२:२३
काठमाडौं । नेकपा एमालेका ललितपुर जिल्ला कमिटी पूर्वउपाध्यक्ष श्यामकृष्ण सिलवाल नेकपा एसमा प्रवेश गरेका छन् ।
विहीबार केन्द्रीय कार्यालय आलोकनगरमा आयोजित कार्यक्रममा सिलवाललाई पार्टी अध्यक्ष माधवकुमार नेपालले खादा लगाएर नेकपा एसमा प्रवेश गराएका हुन् ।
२०७४ सालको स्थानीय तह निर्वाचनमा ललितपुरको गोदावरी नगरपालिकामा एमालेबाट मेयरको उम्मेदवार बनेका सिलवाल झिनो मतले कांग्रेसका गजेन्द्र महर्जनसँग पराजित भएका थिए ।
पार्टी प्रवेश कार्यक्रममा नेकपा एसका उपाध्यक्ष प्रमेश हमाल, उपमहासचिव गंगालाल तुलाधार लगायतका नेताहरूले सिलवाललाई स्वागत गरेका थिए ।
नेपाल प्रेस
प्रकाशित: २०७८ माघ १३ गते १२:२३
प्रतिक्रिया
सम्बन्धित खवर
