भारतीय योगगुरूको टिभी उद्घाटन गरेर देउवा, प्रचण्ड र माधवले विदेशीको चाकरी गरे : भीम रावल

काठमाडौं । नेकपा एमालेका उपाध्यक्ष भीम रावलले आमसञ्चारमा विदेशी लगानी निषेध हुँदाहुँदै रामदेवको टिभी च्यानल उद्घाटर गरेर प्रधानमन्त्री शेरबहादुर देउवाले कानूनको उल्लंघन गरेको बताएका छन् ।

हिजो शिर्ष नेता, मन्त्री तथा विशिष्ट व्यक्तिहरूको उपस्थितिमा प्रधानमन्त्री देउवाले उद्घाटन गरेका ‘पतञ्जली नेपाल’ र ‘आस्था नेपाल’ च्यानलबारे सामाजिक सञ्जालमा टिप्पणी गर्दै रावलले ‘भारतीय योगगुरू’ को टिभी उद्घाटन गरेर देउवा, प्रचण्ड र माधव नेपालले विदेशीको चाकरी गरेको आरोप लगाएका छन् ।

‘यस्तै दृष्टि र मानसिकता भएकाहरू एमसीसीका राष्ट्रघाती प्रावधान नदेखेझैं गर्छन्’, रावलले लेखेका छन् ।

प्र.मं. देउवा,प्रचण्ड र माधव नेपालले कानूनले विदेशी लगानी गर्न रोकेको आमसञ्चार माध्यम टी.भी. भारतीय योगगुरूलाई सञ्चालन गर्नदिन त्यसको उदघाटन गर्नु विदेशीको चाकरी गर्न देशकै कानूनको निर्लज्ज उल्लंघन हो।यस्तै दृष्टि र मानसिकता भएकाहरू एमसीसीका राष्ट्रघाती प्रावधान नदेखेझैं गर्छन्।

— Dr. Bhim Rawal (@BhimRawal179) November 20, 2021