बागमती मुख्यमन्त्री जम्कट्टेलको स्वास्थ्यमा सुधार
नेपाल प्रेस
२०८१ वैशाख २५ गते १६:५७
हेटौंडा । बागमती प्रदेशका मुख्यमन्त्री शालिकराम जम्कट्टेलको स्वास्थ्यमा सुधार आएको छ ।
रामेछाप जाने क्रममा स्वास्थ्यमा समस्या आएपछि हेलिकप्टर मार्फत उनलाई काठमाडौंको नर्भिक अस्पताल लगिएको थियो ।
हाल उनको अवस्थामा उल्लेख्य सुधार आएको मुख्यमन्त्रीको स्वकीय सचिव उपेन्द्र जम्कट्टेलले बताए ।
अक्सिजन लेभल कम भएपछि बिमार परेका उनको अहिले अवस्था सामान्य रहेको उपेन्द्रको भनाइ छ । उच्च रक्तचापको समस्याले अक्सिजन लेभलमा कमी आएको चिकित्सकहरुले बताएको उनको भनाइ छ ।
रामेछापको मन्थलीमा खानेपानी आयोजना उद्घाटन कार्यक्रममा जाँदै गर्दा अस्वस्थ भएपछि मुख्यमन्त्री जम्कट्टेललाई बीच बाटोबाटै काठमाडौं लगिएको थियो । सिन्धुलीमा प्राथमिक उपचारपछि उनलाई काठमाडौ लगिएको थियो ।
नेपाल प्रेस
प्रकाशित: २०८१ वैशाख २५ गते १६:५७
प्रतिक्रिया
सम्बन्धित खवर
