१३ सय प्रतिनिधिको सुझाव लिएर विधानलाई टुंग्याउने माओवादीको निर्णय (भिडिओ)

काठमाडौं । नेकपा माओवादी केन्द्रले पार्टीले सञ्चालन गरेको पार्टी रुपान्तरण अभियानको केन्द्रीय कमिटीमा समिक्षा गर्ने भएको छ। शनिबार पार्टी कार्यालय पेरिसडाँडामा बसेको बैठकले आइतबारबाट सुरु हुने केन्द्रीय कमिटीमा अभियानमा बारेमा विस्तृत समिक्षा गर्ने निर्णय गरेको हो ।

केन्द्रीय कमिटीको पहिलो दिन अभियानको समिक्षा र दोस्रो दिन विधानका बारेमा छलफल हुने प्रवक्ता अग्नि सापकोटाले बताए।
उनले भने, बैठकमा नेतृत्व चयनका प्रक्रियाका साथै अन्य पार्टी भित्रको व्यवस्थालाई विधानमा कसरी समेट्ने भन्ने बारेमा छलफल भएको छ। जनवादको उत्तम अभ्यास भएको र सवै बिषयमा स्थायी कमिटी सदस्यहरुले खुलेर कुरा राख्नुभएको छ।

विधान सम्मेलनमा १३ सय प्रतिनिधिहरुको कुरा सुनेर विधानलाई अन्तिम रुप दिने बताए। बैठकमा संविधान अनुसार पार्टीको विधि संरचना लगाएतलाई त्यस अनुरुप लैजादै अघि बढ्नुपर्नेमा नेताहरुले जोड दिएका थिए।

माओवादीले केन्द्रीय कमिटी माघ २८ र २९ गते र फाल्गुन १ देखि ३ गतेसम्म विधान सम्मेलनको आयोजना गरेको छ। माओवादीको विधानमाथि छलफल भइरहेको बेलामा १५१ सदस्यीय केन्द्रीय कमिटीको प्रस्ताव भएको छ। बैठकमा पार्टीमा युवा पुस्तालाई नेतृत्वमा ल्याउने बाटो ल्याउने भन्ने बिषयमा पनि बहस चलिरहेको छ।