हेमन्त कान्छाको ‘आमा तिम्रो तस्बिर दैलामा’ गीतको भिडिओ रिलिज

काठमाडौं । गायक तथा सारंगीवादक हेमन्त कान्छा रसाइलीको स्वर रहेको ‘आमा तिम्रो तस्बिर दैलामा’ बोलको गीतको भिडिओ रिलिज गरिएको छ । दसैँको अवसर पारेर सार्वजनिक गरिएको भिडिओमा आमाको महिमाको वर्णन गरिएको छ । जसमा शब्द तथा संगीत खिमानन्द खरेलको छ ।

हेमन्त कान्छाकै एरेन्ज रहेको गीतमा मिक्सिङ र मास्टरिङ श्याम श्वेत रसाइलीले गरेका छन् । गायक स्वयं, रमा थपलिया र बाल कलाकार इभान चैसियारको मर्मस्पर्शी अभिनय भिडिओमा देख्न सकिन्छ । आमाको निधनपछि एक्लिएको छोराको सुख दुखका सम्झनामा डुबेका क्षणलाई भिडिओमा कथा बनाएर देखाइएको छ ।

आमाको अल्पायुमानै निधन भएपछि छोराले गरेका प्रगतिलाई आमाले देख्न नपाएको कुरालाई भिडिओमा मार्मिक तरिकाले उठाइएको छ । हेमन्तको निर्देशन रहेको भिडिओको सम्पादन पदम सुवेदी र छायांकन किरण चौसियारले गरेका छन् ।