इङ्ल्यान्डका कप्तान बायर्न म्युनिखमा आबद्ध हुन तयार, टोट्टनहामले दियो मेडिकलका लागि अनुमति
नेपाल प्रेस
२०८० साउन २६ गते १७:२०
लन्डन । इङ्ल्यान्ड राष्ट्रिय फुटबल टोलीका कप्तान ह्यारी केन जर्मन लिग च्याम्पियन बायर्न म्युनिखमा आबद्ध हुन तयार भएका छन् । टोट्टनहामले मेडिकल जाँचका लागि केनलाई जर्मनीको भ्रमण गर्न अनुमतिसमेत दिएको छ ।
यसअघि बायर्नले गरेको प्रस्ताव टोट्टनहामले स्वीकार गरेको थियो । टोट्टनहाममा एक वर्षमात्र अनुबन्धन बाँकी रहेका केनका लागि बायर्नले एक सय मिलियन युरोभन्दा बढी खर्चन तयार भएको बीबीसीले उल्लेख गरेको छ ।
३० वर्षीय केन टोट्नहामका सर्वकालीन सर्वाधिक गोलकर्ता हुन् । उनले ४३५ खेलमा २८० गोल गरेका छन् ।
नेपाल प्रेस
प्रकाशित: २०८० साउन २६ गते १७:२०
प्रतिक्रिया
सम्बन्धित खवर
