राष्ट्रपतिमा आफूलाई सघाउन आग्रह गर्न रास्वपा कार्यालयमा रामचन्द्र पौडेल
नेपाल प्रेस
२०७९ फागुन १९ गते १८:१६
काठमाडौं । आठ दलीय गठबन्धनबाट राष्ट्रपतिका उम्मेदवार रामचन्द्र पौडेल भोट माग्न राष्ट्रिय स्वतन्त्र पार्टीको कार्यालय पुगेका छन् ।
रास्वपा कार्यालय बसुन्धरा पुगेर पौडेलले सभापति रवि लामिछानेसहित नेताहरुसँग आफूलाई सघाउन आग्रह गरेका हुन् ।
पौडेलसँग नेपाली कांग्रेसका प्रवक्ता डा. प्रकाशशरण महत, प्रमुख सचेतक रमेश लेखकलगायतका नेताहरु पुगेका छन् । रास्वपाको तर्फबाट छलफलमा सभापति लामिछाने, उपसभापति डीपी अर्याललगायत नेताहरु सहभागी छन् ।
बिहीबार एमालेका उम्मेदवार सुवास नेम्वाङले पनि रास्वपा नेताहरुलाई भेटेर आफूलाई सघाउन आग्रह गरेका थिए । अहिले पौडेल र नेम्वाङ अन्य दलहरुसँग भोट माग्न दौडधुप गरिरहेका छन् ।
नेपाल प्रेस
प्रकाशित: २०७९ फागुन १९ गते १८:१६
प्रतिक्रिया
सम्बन्धित खवर
