सभामुख निर्वाचन प्रक्रिया स्थगित गर्न कांग्रेसको आग्रह, विमान दुर्घटनाबारे रुलिङको माग (भिडिओ)
नेपाल प्रेस
२०७९ माघ ५ गते ११:२५
काठमाडौं । नेपाली कांग्रेसले सभामुख निर्वाचन प्रक्रिया स्थगिन गर्न माग गरेको छ ।
कांग्रेसका प्रमुख सचेतक रमेश लेखकले माघ १ गते पोखरामा भएको यती एयरलाइन्सको विमान दुर्घटनाप्रति सरकारले संसदमा कुरा नउठाएको प्रति आपत्ति जनाउँदै रुलिङको माग गरेका छन् ।
उनले भने, ‘सरकार सदनका प्रति उदाशीन, पीडित परिवारप्रति निरपेक्ष र जनताका प्रति कर्तव्यविमुख हुन सक्दैन । अहिले नै सभामुखमार्फत सरकारलाई रुलिङ गरियोस् । सरकारले त्यस विषयमा सदनलाई तत्काल जानकारी गरावस् । सरकारले सदनमार्फत् जनतालाई आश्वस्त पारोस् ।’
प्रतिनिधिसभाको बैठकमा बोल्दै उनले आजको कार्यसूची स्थगित गरेर भएपनि सरकारले जहाज दुर्घटनाबारे जानकारी गराउन माग गरे ।
आज सभामुखको निर्वाचन गर्ने कार्यसूची छ ।
नेपाल प्रेस
प्रकाशित: २०७९ माघ ५ गते ११:२५
प्रतिक्रिया
सम्बन्धित खवर
