शाहरुख खानका छोरा आर्यन वेब सिरिज निर्देशन गर्दै

काठमाडौं । बलिउड सिने क्षेत्रमा किङ खानको रूपमा परिचित शाहरुख खानका छोरा आर्यन खान फिल्म क्षेत्रमा प्रवेश गर्ने भएका छन् ।

आर्यनले पछिल्लो समय आइपिएल अक्सनमा शाहरुख खानको टिम कोलकत्ता नाइट राइडर्सको प्रतिनिधित्व गरेका थिए भने हाल आर्यनले नै टिमको सम्पूर्ण जिम्मेवारी उठाउँदै आएको बताइएको छ ।

उनी अब भने फिल्म क्षेत्रमा समेत प्रवेश गर्ने बताइएको छ । भारतीय सञ्चार माध्यमहरूका अनुसार आर्यनले अमेजन प्राइमको एक वेब सिरिजको निर्देशक तथा लेखकको रूपमा फिल्म क्षेत्रमा प्रवेश गर्ने भएका हुन् ।

आर्यनले गत हप्ता उक्त वेब सिरिजको लागि डेमो सुट समेत गरिसकेका छन् ।

उक्त वेब सिरिजको नाम तथा अन्य जानकारी भने हालसम्म सार्वजनिक भइसकेको छैन ।