बालाटेली २०१८ पछि पहिलो पटक इटालीको राष्ट्रिय टोलीमा

काठमाडौं । मारियो बालाटेली सन् २०१८मा पछि पहिलो पटक इटालीको राष्ट्रिय फुटबल टोलीमा परेका छन् ।

म्यान्चेस्टर सिटी र लिभरपुलका पूर्व फरवार्ड बालाटेलीले सन् २०१८ सेप्टेम्बरदेखि आफनो देशको प्रतिनिधित्व गर्न पाएका थिएनन् ।

टर्कीस क्लब आडाना डिमिस्पोर बाट लिग खेलीरहेका ३१ वर्षीय बालाटेलीले १८ खेलमा आठ गोल गरेका छन् । सोमबार मुख्य प्रशिक्षक रोबेर्टो मानसिनीले ३५सदसिय टोलीमा बालोटेलीको नाम समावेस गर्दै प्रशिक्षणमा बोलाएका हुन् ।

उनले इटालीबाट खेलेका ३६खेलबाट १४ गोल गरेका छन् । तर,२०१४को विश्वकप पछि २ खेलमात्र खेलेमात्र खेल्न पाएका थिए ।

युरोपियन च्याम्पियन इटालीले विश्व कप छनोटको प्लेअफमा नर्थ मेसेडोनियासँग २४ मार्चमा प्रतिस्पर्धा गर्दैछ ।

नर्थ मासेडोनियालाई हराएमा विश्वकप छनोटका लागि इटालीले पोर्चुगल र टर्कीबीचको विजेतासँग प्रतिस्पर्धा गर्नेछ । सो खेलको विजेताले २०२२मा कतारमा हुने विश्वकपमा स्थान पक्का गर्नेछ ।