नुवाकोटको मदानपुरमा सिटिजन्स बैंकको शाखारहित सेवा

काठमाडौं । सिटिजन्स बैंक इन्टरनेसनल लिमिटेडले नुवाकोटको बेलकोटगढी नगरपालिका, मदानपुरमा शाखारहित सेवा सुरू गरेको छ ।

सो शाखा ८८औं शाखारहित बैंकिङ इकाईका रूपमा विस्तार गरिएको हो । यहाँ स्थानीय सुब्बालाल श्रेष्ठलाई व्यवसायिक प्रतिनिधि नियुक्त गरिएको छ ।

यस शाखा रहित बैंकिङबाट निक्षेप संकलन, रकम भुक्तानी, कोष स्थानान्तरण, मोबाइल फोनको बील भुक्तानीलगायतका सेवा प्रदान गरिने बैंकले जनाएको छ ।

सिटिजन्स बैंकले १७४ वटा शाखा, १२३ वटा एटीएम र ८८ वटा शाखारहित बैंकिङ इकाईहरूबाट करिब १२ लाख ८० हजार ग्राहकवर्गलाई आधुनिक बैंकिङ सेवाहरू दिँदै आएको छ ।