भियाग्राको कारण पत्नी गर्भवती नभएपछि पतिले मागे सहयोग

काठमाडौं । भियाग्राको प्रयोग गर्दै आएका एक व्यक्तिले रिलेसनसिप पोर्टलमा आफ्नो दुःख व्यक्त गर्दै जानकारसँग सहयोगको अपील गरेका छन् । आफ्नो उमेर ५० वर्ष उल्लेख गरेका ती व्यक्तिले आफूले भियाग्राको प्रयोग गरेकाले श्रीमती  गर्भवती नभएको गुनासो गरेका छन् ।

यौन सम्पर्क क्षमता बढाउनका लागि भियाग्रा जस्ता विभिन्न औषधिको प्रयोग हुने गरेको छ । र, कतिपय अवस्थामा त्यो हानिकारक पनि सावित भइदिन्छ ।

ती व्यक्तिले लेखेका छन्, ‘हामीले विवाह गरेको १० वर्ष बितिसक्यो । म ५० वर्षको भएँ र मेरी पत्नी ३९ वर्षकी भइन् । म ‘इरेक्सन डिसफङ्सन’को कारणले भियाग्राको प्रयोग गर्छु । हामी पछिल्ला धेरै वर्षदेखि निरन्तर आमा–बुबा बन्ने कोसिस गरिरहेका छौं । तर, हाम्रो त्यो इच्छा पूरा भइरहेको छैन ।’

उनले आफ्नो समस्याबारे अझै खुलस्त पार्दै लेखेका छन्– ‘पहिले डाक्टरहरूले मेरी श्रीमतीलाई गाइनोक्लोजिकल सम्बन्धी समस्या भएको बताएका थिए । जसको कारणले उनी गर्भवती भइरहेकी थिइनन् । अहिले त्यो समस्या समाधान भइसक्यो र उनी गर्भवती हुन चाहिन्छन् । तर, मलाई भित्र–भित्रै एउटा समस्याले सताइरहेको छ । म भियाग्राको प्रयोग गर्छु । र, मलाई लाग्छ त्यसको कारण श्रीमती गर्भवती नहुनु हो ।’

त्यो समस्याप्रति एक जानकारले सल्लाह दिँदै लेखेका छन्– ‘डाक्टरको सल्लाहमा नै तपाईले भियाग्राको प्रयोग गर्नुभएको होला । यदि होइन भने यसबारे तुरुन्तै डाक्टरसँग सल्लाह गर्नुहोस् । नेसनल हेल्थ सर्भिसका अनुसार भियाग्राले प्रजनन क्षमतामा ह्रास ल्याउने हालसम्म भेटिएको छैन । बच्चाको आशामा धेरै तनाव लिनु भयो भने त्यसले चाहीँ समस्या ल्याउन सक्छ ।’