संसद छलेर सरकार कब्जा गर्न खोजिएको होइन, विश्वासको मत नपाउने भएर हो: प्रधानमन्त्री (भिडियो) – Nepal Press

संसद छलेर सरकार कब्जा गर्न खोजिएको होइन, विश्वासको मत नपाउने भएर हो: प्रधानमन्त्री (भिडियो)

काठमाडौं । प्रधानमन्त्री केपी शर्मा ओलीले  संसद छलेर  सरकार गठन गर्न  नचाहेकाे बताएका छन् ।

शुक्रबार बालुवाटारमा सम्पादकहरुको अन्तक्रियामा बोल्दै उनले  बजेटको चाप र विश्वासको मत नपाउने भएर नयाँ सरकार गठन गर्न आह्रवान गरेको बताएका छन् ।

उनले भने,‘संसद छलेर सरकार कब्जा गर्न खोजिएको होइन,बजेटको चाप र विश्वासको मत नपाउने भएर हो ।’

‘विश्वासको मत लिएको भए विश्वासको मत प्राप्त हुँदैन थियो । फेरि जाने संविधानको धारा ५ कै प्रकृयामा हो । त्यसो भइसकेपछि हामीले जेठ १५ गते संसवधानमै तोकेको छ बजेट प्रस्तुत गर्नुपर्छ । त्यो भन्दा अगाडि नीति कार्याक्रम प्र्रस्तुत गर्नुपर्छ । नीति कार्यक्रम र बजेट प्रस्तुत गर्न नयाँ सरकार बन्नलाई १४ गते सरकार बन्यो भने १५ गते बजेट कसरी पेश गर्ला ? आफना नीतितथा कार्यक्रमहरु कसरी तर्जुमा गर्ला ? हामी सँग समय धेरै छैन ।प्रधानमन्त्री ओलीले भने

समय अभावका कारण विश्वासको मत लिएर बजेट प्रस्तुत गर्न समस्या भएको उनले बताए ।

‘आज ७ गते भइसक्यो त्यसकारण हामीले समय लिएर विश्वासको मत लिने कर्मकाण्ड गरेर फेरि विश्वासको मत लिन नसकेर पराजित भएर धारा ५ मा गइन भने समयको सुविधा हामीलाई छैन । ५ मै जान भइसकेपछि प्रधानमन्त्रीले मार्ग प्रशस्त गरिदिनु र सरकार गठन गर्ने मार्गदर्शनको बाटो खोलिदिनु समयको चापको हिसाबले उचित मात्र होइन त्यो अपरिहार्य भइसक्यो । तर्सथ अर्को सरकार बनोस् भनेर वैकल्पिक सरकार बनोस् भनेर नयाँ सरकारको लागि आह्वान गरेको हो ।

प्रतिक्रिया

Leave a Reply

Your email address will not be published. Required fields are marked *