५६० थान अक्सिजन सिलिन्डर ल्याउन नेपाल एयरलाइन्सको विमान ओमान उड्यो
नेपाल प्रेस
२०७८ जेठ १ गते ११:०२
फाइल तस्बिर।
काठमाडौं । जरुरी अक्सिजन सिलिन्डर ल्याउनका लागि नेपाल वायुसेवा निगमको वाइडबडी जहाज आज बिहान ओमानतर्फ प्रस्थान गरेको छ ।
५६० थान अक्सिजन सिलिन्डर ल्याएर उक्त जहाज शनिबार साँझ साढे ६ बजे काठमाडौं आइपुग्नेछ ।
ती सिलिन्डरलाई गैरआवसिय नेपाली संघ र मस्कटस्थित नेपाली दूतावासको सहयोगमा जुटाइएको थियो । ती सिलिन्डरलाई अहिले मस्कट विमानस्थल राखिएको छ ।
मस्कटस्थित अल हप्सी ट्रेडिङ कम्पनीसँग ६३ हजार ७ सय डलरमा ती अक्सिजन सिलिन्डर खरिद गरिएको थियो । सिलिन्डर ल्याउन गरिएको चार्टर बिमानको खर्च भने सरकारले व्योहोर्ने भएको छ ।
नेपाल एयरलाइन्सको विमान पहिलोपटक ओमान गएको हो ।
नेपाल प्रेस
प्रकाशित: २०७८ जेठ १ गते ११:०२
प्रतिक्रिया
सम्बन्धित खवर
